Die Anatoliese Herderhond is een van die mees majestueuse en edele diere in die diens van die mens; wat nog steeds in die landelike distrikte van Turkye gebruik word as die herders se onontbeerlike metgesel en voorlinie van verdediging van sy vee teen roofdiere. Sonder die hulp van die Anatoliese Herderhonde, sou die Turkse herder minder in staat wees om sy eiendom te verdedig en van wilde diere te beskerm. Sulke honde kom voor van die Turkse Anatoliese plato tot in Afghanistan.
Die buitengewone spoed en behendigheid van die Anatoliese Herderhonde stel hom in staat om 'n roofdier met groot doeltreffendheid te laat hardloop.
'n Groot deel van Sentraal-Anatolië is 'n hoë plato van wye vlaktes en rollende heuwels. Somers is droog, terwyl winters geken word vir swaar sneeuvalle en temperature wat ver onder vriespunt val.
Histories, sedert die Babiloniese tyd, is daar 'n groot hond met 'n swaar kop gedokumenteer. 'n Skouspelagtige uitbeelding van die ras wat dateer tot 2000 vC kan gesien word op die goed bewaarde bas-reliëfs in die Assiriese Rooms van die Britse Museum in Londen. Met die koms van die eerste plaaslike skaap het die honde van "jagter" na "beskermer" verander. Die boek Job, wat dateer uit ten minste 1.800 vC en afspeel in die streek van Turkye, verwys na die honde met die kleinvee.
#BiedouwBoerbokstoet is dankbaar vir "Ayjay", die vallei se plaaslike "herder". Die boerbokke se mortaliteite, as gevolg van predasie, het die afgelope paar jaar dramaties afgeneem. Anatoliese herdershonde stel Biedouw Boerdery instaat om hollistiese boerdery en bewaringsboerdery in 'n groot mate toe te pas.
Krediet aan #OpVakansieBoerdery wat die bostaande inligting bymekaar gesit het.